முட்டை இல்லாத வாழைப்பழ கேக்

கேக் என்றாலே குழந்தைகள் முதல் பெரியவர்கள் வரை அனைவருக்கும் பிடித்தமானது. பைனாப்பில், சாக்லேட், ரெட் வெல்வெட், தேங்காய், கேரட் போன்ற பலவிதமான கேக் வகைகள் உள்ளன. வீட்டில் இருக்கும் குழந்தைகள் எப்போது கேக் வேண்டும் என்று எதிர்பார்த்தால், உடனே பேக்கரிக்கு செல்ல வேண்டிய அவசியமே இல்லை. இனிமேல் வீட்டிலேயே சுலபமாக, சத்தான முறையில் கேக் செய்து அவர்களை மகிழ வையுங்கள்!

இந்த நாளில் நமக்கு அறிந்த மற்றும் வீட்டில் எளிதாகக் கிடைக்கும் பழம் என்றால் அது வாழைப்பழம் தான். வாழைப்பழத்தில் உள்ள நன்மைகள் ஏராளம். இது குடற்புழுக்களை நீக்கி வயிற்றை சுத்தமாக வைத்துக்கொள்ள உதவுகிறது. இதில் அதிகமான வைட்டமின்கள் மற்றும் ஆன்டி ஆக்சிடண்ட்கள் இருப்பதால், கண்களின் நலத்தையும் செல்களின் ஆரோக்கியத்தையும் பாதுகாக்கும். உடலின் நோய் எதிர்ப்பு சக்தியை மேம்படுத்துவதோடு ஆண்களில் உயிரணுக்களின் எண்ணிக்கையை அதிகரிக்கவும் துணைபுரிகிறது. குறிப்பாக கோடை காலங்களில் பச்சை வாழைப்பழம் உடலை குளிர்ச்சியாக வைத்திருக்க உதவுகிறது.

சுவையான உணவுகளை நாமே வீட்டில் தயாரித்து சாப்பிடும் சந்தோஷம் என்பது தனி ருசி. அதிலும் நமக்குப் பிடித்த உணவுகளை சமைப்பதில் கிடைக்கும் மகிழ்ச்சிக்கு இணைவே இல்லையென்றே சொல்லலாம். இப்படி பல நன்மைகளுடன் கூடிய வாழைப்பழத்தை கொண்டு, மிக சுலபமாக முட்டை இல்லாமல் வீட்டிலேயே சுவையான கேக் செய்வது எப்படி என்று இப்போது பார்க்கலாம்!