வெங்காய வடைன்னா யாருக்குத்தான் பிடிக்காது? இது என்னோட ஃபேவரைட் ஸ்நாக்ஸ். நான் தூத்துக்குடி (என்னோட சொந்த ஊரு) போகும்போதெல்லாம், சாயங்காலம் டீயோட இதை சாப்பிடுவேன். எங்க வீட்டு பக்கத்துல இருக்குற டீக்கடையில இதை செய்வாங்க.
இது ரொம்ப ஈஸியா, கொஞ்சமான பொருட்களை வச்சு சீக்கிரமா செஞ்சுடலாம். வீட்ல செய்யறதுக்கு ரொம்ப நேரம் எடுக்காது, கஷ்டமும் கிடையாது. அதனால நம்ம ஊரை விட்டு வெளியூர்லயோ, வெளிநாடுலயோ இருக்கும்போது, இந்த மாதிரி ஈஸியான, டேஸ்ட்டான ஸ்நாக்ஸ் செஞ்சு நம்ம ஊரு ஃபீலை கொண்டு வரலாம்.
வெளியில சூடா, மொறுமொறுன்னு, நல்ல கலரோட இருக்கும். உள்ள சாஃப்டா, பஞ்சு மாதிரி இருக்கும்.
இந்த வடை செய்யறதுக்கு கிட்டத்தட்ட 20 நிமிஷம் ஆச்சு. அதுக்குள்ள நான் டீயும் போட்டுட்டேன். இந்த வடை காபி, டீ ரெண்டுக்குமே சூப்பரா இருக்கும்.
தயாரிப்பு நேரம்
20 நிமிடங்கள்
சேவைகள்
4-5 நபர்
- வெங்காயம் - 3 பெரியது (நீளவாக்கில் பொடியாக நறுக்கியது)
- கடலை மாவு - 5 டேபிள் ஸ்பூன்
- சோள மாவு - 1 டேபிள் ஸ்பூன்
- மிளகாய் தூள் - 1 டீஸ்பூன்
- மஞ்சள் தூள் - 1/4 டீஸ்பூன்
- பெருங்காயத்தூள் - கொஞ்சம்
- கறிவேப்பிலை - 15 (பொடியாக நறுக்கியது)
- உப்பு - தேவையான அளவு.
- ஒரு ஆழமான கடாய் அல்லது வடை சட்டி (எண்ணெய் ஊற்றி பொரிக்க)
- ஒரு வெட்டும் பலகை மற்றும் கத்தி (வெங்காயம் மற்றும் கறிவேப்பிலை நறுக்க)
- ஒரு கலக்கும் பாத்திரம் (மாவு கலக்க)
- ஒரு கரண்டி (எண்ணெயில் வடை போட மற்றும் எடுக்க)
- வடிகட்டி கரண்டி (எண்ணெயை வடிகட்ட)
- டிஷ்யூ பேப்பர் (கூடுதல் எண்ணெயை உறிஞ்ச)
- வெங்காயம் தயார் செய்யவும்: வெங்காயத்தை நீளவாக்கில் பொடியாக நறுக்கிக்கொள்ளவும்.
- மாவு கலவை: ஒரு பாத்திரத்தில் கடலை மாவு, சோள மாவு, மிளகாய் தூள், மஞ்சள் தூள், சோம்பு, பெருங்காயத்தூள், கறிவேப்பிலை, உப்பு சேர்த்து நன்றாக கலக்கவும்.
- வெங்காயம் சேர்க்கவும்: நறுக்கிய வெங்காயத்தை மாவு கலவையுடன் சேர்த்து, தண்ணீர் சேர்க்காமல் நன்றாக கலக்கவும். வெங்காயத்தில் இருந்து வரும் ஈரப்பதமே போதுமானது.
- வடை தட்டவும்: ஒரு கடாயில் எண்ணெயை சூடாக்கவும். மாவு கலவையை சின்ன சின்ன உருண்டைகளாக எடுத்து, தட்டி சூடான எண்ணெயில் போடவும்.
- பொன்னிறமாக பொரிக்கவும்: வடைகள் பொன்னிறமாக மாறும் வரை இரண்டு பக்கமும் திருப்பி போட்டு பொரிக்கவும்.
- பரிமாறவும்: சூடான வெங்காய வடைகளை டீ அல்லது காபியுடன் பரிமாறவும்.
- சட்னியுடன் பரிமாறுதல்: தேங்காய் சட்னி அல்லது தக்காளி சட்னியுடன் சேர்த்து சாப்பிடலாம்.
- சாஸ் உடன் பரிமாறுதல்: தக்காளி சாஸ் அல்லது பச்சை மிளகாய் சாஸ் உடன் பரிமாறலாம்.
- மாலை நேர சிற்றுண்டி: மாலை நேர சிற்றுண்டியாக தனியாகவும் பரிமாறலாம்.
- பேப்பர் கோன்: கடைகளில் கொடுப்பது போல் பேப்பர் கோனில் போட்டு பரிமாறலாம்.
- வெங்காயத்தை நீளவாக்கில் நறுக்கினால் வடை மொறுமொறுப்பாக இருக்கும்.
- சோம்பு நிறைய சேர்த்தால் வடை நல்ல வாசனையாக இருக்கும்.
- எண்ணெய் நன்றாக சூடான பிறகு வடையை போட்டால் வடை எண்ணெயில் உடையாமல் இருக்கும்.
- வடை பொன்னிறமானதும் எண்ணெயில் இருந்து எடுத்துவிடவும்.
- வடை பொரித்த பின்பு, டிஷ்யூ பேப்பரில் போட்டு கூடுதல் எண்ணெயை வடிகட்டினால் வடை மொறுமொறுப்பாக இருக்கும்.
- வடையை பரிமாறும் போது, கூடவே சில வெங்காய துண்டுகள் மற்றும் கறிவேப்பிலை இலைகளை வைத்தால் பார்க்க அழகாக இருக்கும்.
Add a Comment